|
  
|
我都好想好似其他女仔咁, 又瘦又靚.......但係我家族就係屬於比較肥既一種, 我點減都唔會好像其他女仔咁瘦.......
我真係曾經好努力過...做過運動, 又節食過, 又試過睇醫生, 本黎都瘦左好多嫁啦.....但係我真係好"為食"囉....最後都肥番....唉!!!
不過, 最唔開心既就係今晚我個"朋友仔"話我肥....真係好hurt啊~~ 其他人笑我唔緊要, 但係宜家連佢都咁講....我真係好難受啊~~~ 我真係有努力過嫁.....以前我減肥果時佢不單止無幫過我, 反而宜家仲要講埋果o的咁既說話.....我真係好唔開心啊~~
我聽完佢講後, 我真係忍唔住喊左出黎, 佢不單止無過黎say sorry同氹番我, 仲係咁同我講道理, 話佢咁講係想刺激我........唉~~ 我真係好hurt啊~~ 肥真係有罪咩?? 我已經好多年都無真真正正咁食過一餐好嫁啦....我應該點樣先可以減肥減得快o的呢?? 我唔想再比人地笑我啦~~~ 真係唔想啦~~~ T_T
贊成!!!
今日睇左一份有關某藝人的訪問, 係入面佢提到"男人不壞, 女人不愛". 我覺得講得幾中嫁......
“看起來壞壞的男生，其實都不壞，我覺得壞男人是種魅力。”賀軍翔說。
就因爲這種要命的魅力，女人爲之著迷而失去理智，奮不顧身地愛上壞男人，即使是飛蛾撲火也在所不惜，以爲轟轟烈烈才算是愛情。
一位自認從小到大是老師家長心中的乖孩子，寫信到情感急救信箱訴苦，說自己有謙虛有禮，對女友總是千依百順、恭恭敬敬，不明白爲何屢次被女生甩，到底自己錯在哪裏？
太乖的男生，很悶。於是，我們下個結論：男人不壞，女人不愛。只是賀軍翔的回答，可以參考之前所提到的，壞男人等於魅力。的確，如果一個男人長得很醜又很壞，一點可取之處都沒有的男人，女人非但不會愛他，更會借用一句話：去跳湖吧！
所以，男人要壞的前提，就是要帥？“像謝霆鋒！壞壞的，多酷！我蠻欣賞他的。”賀軍翔舉例說。
“我覺得男人的壞，是一種因素，外表看來，要讓女生覺得有安全感，可以受到他的保護，就是有那種氣勢和魄力，就是面對事情的魄力與勇氣。”他說。
曾聼一個女生說過，我要的是一個如果我殺了人，他會帶我逃離浪跡天涯的男人，而不是苦口婆心勸我去自首的人。儘管這只是一個比喻，無論是女生愛幻想的天性發作，還是中了電視劇的毒，女生總希望有個勇敢的人爲自己不顧一切，只是，愚蠢與勇敢的分量相等的則除外。
我想大部份既女仔都想要上面講既男朋友掛, 外表壞壞地咁, 但係內裡要專一, 細心. (我諗咁樣既男人要搵到都唔易囉~~) 雖然係難, 但係我想呢種男仔係好多女仔心目中既"理想情人"囉......
男仔們, 加油啦~~~~
呢排心情都唔係幾好, 我都唔知點解嫁! 只係知道每日都好唔想返工 (我諗好多人都同我一樣). 返到公司又唔想講野. 其實呢個情況都成個星期有多啦......o的同事都唔係好敢同我講野. 因為呢個原因, 我變得更加唔出聲.
唉~~~ 我都唔知點解自己會咁樣嫁, 但係真係好唔開心囉. 返到屋企都唔想講野. 但係又唔想屋企人擔心, 所以只有係宜家寫blog既時候, 一面聽歌, 一面喊.......突然間覺得自己又白痴, 又可憐......... 我有諗過同朋友傾下計可能會好o的. 但係我竟然發現, 我身邊係無一個我可以安心講心事既朋友............我好失敗啊!!
我唔知可以點做啊.......再係咁樣落去, 我都唔敢想我自己會變成點樣~ 希望今晚喊完, 聽日可以正常番o的啦..........
有好幾日都無寫日記啦~~~ 真係好忙啊~~~ 哈哈哈~~~
因為10號係我既牛一啊!! 所以呢幾日真係好忙. 正日果日仲同xx去左"廸士尼"玩添啊~~~ 我又唔係覺得香港個廸士尼好似人地講得咁差啊, 細係細左o的, 不過入到去都幾好玩啊!! 我諗如果係抱住開心既心情入去, 唔好成日諗住要搵o的唔好既野出黎, 咁樣會玩得開心好多. 証明無論做野同玩都一樣, 係要百份百投入嫁.....哈哈哈~~~~
呢幾日除左要出去同o的朋友食下飯之外, 我仲煲緊套"台劇" ~ 惡魔在身邊, 劇情都係好似其他果o的咁上下啦, 不過男女主角都好正, 所以睇起上黎都唔錯.........唔係既話, 我就唔駛追得咁辛苦啦............嘿嘿~~~
剛剛頭先知道我係玩緊果隻online game入面既"公會", 被某位會員"惡意解散"了..........原因就好似係因為同個會長有o的不和.........個理由真係好無聊, 咁樣做仲好唔成熟添!!
其實係綱路遊戲或者世界入面, 我見過好多人為左o的好少既事鬧交. 用文字黎鬧交, 唔係一件易事黎嫁......要即時係個腦入面構思好鬧人既句字, 之後要用最快既速度黎打出黎. 當對方鬧番過黎時, 仲要更快咁回答佢, 真係用口易過用手啊~~~
不過, 我真係好唔明, 打機都係為左開心有得玩, 點解仲要係上面同人地嘈. 咁樣會開心o的咩?? 我唔覺喎......但係就真係有好多人每個月比錢去玩online game, 但係就係上面成日同人地嘈, 咁唔係叫"貼錢買難受"咩?? 諗落都幾攪笑.....
我屋企個msn傻左啊......login果時會彈個窗出黎"runtime error". 之後就會強制close左我個msn啦....我攪左成晚啦...都唔知點好. 重裝又唔得. 如果有邊位遇過或者識得整, 教下我啊~~~ thanks!!!
今日一返到公司, 個人就唔知點解好down咁, 所以成日都無乜點講過野......連同事都好似有o的驚我咁, 唔太同我講野.........唉!! 其實都係因為上個星期做錯野果件事啦....本黎放假都已經唔記得左嫁啦, 點知一返到公司就乜都記得返晒.................唉~~~~
再係咁樣落去, 我好快就會short嫁啦.....呢o的係唔係其他人口中既壓力呢?? 今日係公司我真係覺得好辛苦啊~~~~ 我應該要點做先好呢?? 希望過多兩日會無事啦!!
o(T_T)o
又要等成個week先有得再放假啦.........不過, 有"紅日"總比無好....至少叫有個希望啊!!
今日同"康仔"執左成日屋, 唔執都唔知.....原來, 間屋係咁"烏糟"嫁......平時放工返到屋企, 又唔想執; 放假果時, 兩個人又會出街玩......唉!! 以後真係要留意o的啦.....如果唔係, 次次咁執法真係好死嫁.....
今朝我落街買野果時個天仲好好, 太陽仲好勁, 不過係好悶熱咁. 點知我返到屋企無耐, 個天就係咁行雷, 之後仲落大雨添. @@ 真係"天有不測之風雲". 估佢唔到 ^_^
呢兩日我搵左好多我覺得好正又易整既菜譜返黎, 我放左係"美味菜譜"入面. 以後我會加油再搵多o的返黎嫁啦~~~ ^_^
